Points to Ponder (Padithathil Pudithathu)

Just wanted share these factful thoughts which I liked while i was going through some random sites. Ensooooooiiii..!!!

*****************************
பெயருக்குப் பின்னால் அப்பா பெயரோடு தொலைந்து போகும் தோழிகள்…
கணவர் பெயரோடு பேஸ் புக்கில் திரும்பக் கிடைக்கிறார்கள்.
********************************
நான் எந்த பாதையில் செல்ல வேண்டுமென்பதை முன்னாள் செல்லும் ஸ்கூட்டியே நிர்ணயிக்கிறது..!
****************************
வெறுப்பை மறைத்து சிரிப்பை அலுவலகத்திலும்.,
சிரிப்பை மறைத்து வெறுப்பை வீட்டிலும் உமிழ்கிறேன்!
******************************
நீங்கள் எங்கே வசித்தாலும், பார்த்த மாத்திரத்தில் உங்களை உங்கள் ஊரோடு இணைக்க வல்லவை ஜவுளிக்கடை கட்டைப் பைகள்!
**********************************
தவறுகளுக்கான காரணங்கள் நியாயமாகவே இருக்கின்றன., நாம் செய்தால் மட்டும்.
**************************************
வேலைவெட்டி இல்லாத ஆணை கல்யாணம் செய்ய பெண் முன் வராத வரை.,
சம உரிமை என்பது வெறும் கூச்சல்!
**************************************
குளிரை அனுபவிக்கிறேன்னு ஊட்டியில போய் ஹீட்டர் போட்டு கிட்டு தூங்குபவனே மனிதன்!!!
**************************************
புத்தாண்டில் ஒன்றும் மாறப்போவதில்லை… என்பது திங்கட்கிழமை அலுவலகத்தில் கால் வைத்தவுடனே உரைத்துவிட்டது.!
கடுப்பெத்துறார் மை லார்ட்…
****************************************
தோல்வியின் விரக்தியில் கடவுளைச் சபிக்கும் உங்களில் எத்தனை பேர்,
வெற்றியின் பெருமிதத்தில் நன்றி சொல்லியிருப்பீர்கள்?
***********************************
பத்து மணி நேரம் தூங்குவது சோம்பேறித்தனம் அல்ல.
ஒரு மணி நேரம் தூங்காமல் சும்மாவே படுத்திருப்பது தான் சோம்பேறித்தனம்.
**************************************
வளர்ச்சி என்பது… அப்பாவின் திட்டுக்கு கடுப்பாவதில் தொடங்கி…
மானேஜரின் திட்டுக்கு அமைதியாக நிற்பதில் முடிகிறது.
*********************************
கோபத்தை கட்டுபடுத்த , அது வரும்போது ஒன்னு முதல் பத்து வர தல கீழா என்னனுமாம். கேக்கும்போதே செம கோவம் வருது!
***********************************
தேர்வில்… தெரியாத விடைக்கு தலையை சொரிபவனை விட.,
முன்னிருப்பவனின் முதுகை சொரிபவனே தேர்ச்சியடைகிறான்!
***********************************
உங்கள் ரகசியங்களை யாரிடமும் பகிர்ந்து கொள்ளாதீர்கள்.
உங்களாலேயே அதை இரகசியமாய் வைக்க முடியாத போது, மற்றவர்களால் எப்படி முடியும்?
****************************************
“உண்மையை உளறிவிட்டேனே” என்கிற போதுதான் உண்மையிலேயே உளறிவிடுகிராய்!
****************************************
உணவகங்களில் பணி செய்யும் வடகிழக்கு இந்தியர்கள் முகம் சுழித்தோ,
கோபமுற்றோ கண்டதில்லை.
அது இயல்பா.,வறுமையின் வெளிப்பாடா தெரியவில்லை.
******************************
‘நான் பெருமைக்காக பேசவில்லை’ என்று பேசத் தொடங்குபவர்கள்.,
பெருமையைத் தவிர வேறு எதுவும் பேசுவதில்லை.
******************************
எனக்குத் தெரிஞ்ச த்ரில்லான பயணம்.,
பெட்ரோல் எப்ப தீரும்னு தெரியாம பைக் ஓட்றதுதான் !!!
******************************
‘கேம் சோ’ நிகழ்சிகளில் எனக்குத் தெரிந்தவர்களோ, என் உறவினர், நண்பர்களுக்குத் தெரிந்தவர்களோ இதுவரை வந்ததாகத் தெரியவில்லை. அப்போ நிஜமாவே இவிங்கல்லாம் யாரு???
******************************
ஹோட்டலில் நமக்கான உணவு வருவதை பார்க்கையில் கூட., ஒரு வெற்றிப் பெருமிதம் தோன்றுகிறது!
******************************
உலகில் முதல் பெண்ணே சொல் பேச்சு கேக்காதவள் தான்!
ஆப்பிள் சாப்பிடாதே ன்னு கடவுள் சொல்லியும் கேக்கலையே???
******************************
தன் கண்ணீரை பிறர் பார்வைக்கு காட்சிப் பொருளாக வைப்பதை விட
கொடுமையானது உலகில் இல்லை.
******************************
‘நானே இறங்கி வரேன்! உனக்கென்ன இவ்ளோ ஈகோ?’ என்பதில் ‘நானே’ என்பதென்னவோ???
******************************
பொய் சொல்லாமல் ஆண்கள் காதலிப்பதில்லை.
உண்மை சொல்லும்போது பெண்கள் ஏற்பதில்லை!!!
******************************
மனைவியின் பல மிஸ்டு கால்களை பார்க்கும் தருணத்தை விட கலவரமான தருணம் வாழ்க்கையில் இல்லை.
******************************
ஒரு பெண்ணை முழுதாகப் புரிந்து கொள்ள முடிவது.,
அவள் நம்மை பிரிந்து செல்லும் போதுதான்!
******************************
ஸ்டாம்ப் ஒட்டாமல் வரும் கடிதங்களின் பரிணாம வளர்ச்சிதான்… மிஸ்டு கால்!
******************************
அபராதம் என்பது தவறாக நடந்து கொண்டதற்கு செலுத்தப்படும் வரி.
வரி என்பது சரியாக நடந்துகொண்டதற்கு செலுத்தப் படும் அபராதம்!
******************************
‘கருத்தை விதை’ என்பதே ‘கவிதை’ என்றாகியிருக்க வேண்டும்!
******************************
மரத்த வெட்டிப் பேப்பர் செஞ்சு.,
அந்த பேப்பர்லயே ‘சேவ் ட்ரீஸ்’ ன்னு எழுதி ஓட்டுறவன் தான் மனிதன்!!!
******************************
சாலை விபத்து நடந்ததைச் சொல்லும் சாலையோர கண்ணாடித் துண்டுகள்.,
கசக்கும் கற்கண்டுகள்!
******************************
தாய் மொழியை கற்றுக் கொள்வதற்கு முன்.,
குழந்தை அதன் மொழியை தாய்க்கு கற்றுக் கொடுக்கிறது!
******************************
“மாசக் கடைசி என்பது.,
இரண்டாம் தேதியிலிருந்து ஆரம்பிக்கிறது” – அல்லல்படும் ஆண்கள
***************************
வாக்காளர் அடையாள அட்டை.,
வாக்களிப்பதை விட., புதிய சிம் கார்டுகள
வாங்கவே அதிகம் பயன்படுகிறது!
***************************
உன்னை யாரும் காதலிக்கவில்லை என்று கவலைப் பட வேண்டாம்…
அது உன் வருங்கால மனைவியின் வேண்டுதலாகக் கூட இருக்கலாம்!
***************************
உன்னை மறந்து தூங்கினேன் நான்…
மறக்காமல் வந்தாய் என் கனவில் நீ!
***************************
எழுத்துக்கள்/ பேசும் வார்த்தைகள் சொல்லும் அர்த்தங்களை விட.,
மௌனம் சொல்லும் ஆயிரம் அர்த்தங்களை!
***************************